جاري تحميل ... روشتة مان

إعلان الرئيسية

أخبار عاجلة

إعلان في أعلي التدوينة

طرق السفر والمعادلاتنصائح

الطريق الى بريطانيا للاطباء | تجربة مع ال plab

 

الطريق الى بريطانيا للاطباء | تجربة مع ال plab


الطريق الى بريطانيا للاطباء | تجربة مع ال plab


سنتحدث في هذا المقال عن الطريق الي بريطانيا بالنسبة للأطباء . و كيف يسافر الاطباء لبريطانيا عن طريق تناول تجربة أحد الأطباء في سبيل سعيه للسفر لانجلترا و كيفية تجاوزه لامتحان المعادلة البريطانية plab . 

و سيكون هناك الكثير من المقالات التي تتناول كافة التفاصيل و النصائح الخاصة بطريق الاطباء الي بريطانيا ، و ذلك من خلال عرض تجارب سابقة لبعض الأطباء الذين نجحوا في تحقيق أهدافهم بالعمل في بريطانيا .



تجربة هذا الطبيب مع امتحان البلاب plab 1 : 



احب اشارككم تحربتي في المعادلة البربطانية (plab)


اوﻻ :دي اكيد معلومات اغلبكوا عارفها بس احب اوضحها للي ميعرفهاش. المعادلة تتكون من جزئين الجزء الاول ام سي كيو بيتعمل 4 مرات في السنه لكن مرتين في خارج انجلترا فقط مثل في مصر اما الاربع مرات طبعا في انجلترا .

متطلبات الامتحان : التخرج من الكلية وعمل امتحان الايلتس المجموع الكلي ﻻزم يكون 7.5 وﻻ يقل عن 7 في كل جزء .

بعد نتيجة الايلتس بتدخل على موقع ال gmc
فيه هتعرف مواعيد الامتحان ومكانها وتحجز الامتحان ، و ذلك عن طريق انك الاول تعمل اكونت عندهم بعدين تدخل رقم شهادة الايلتس وبعدين بتختار التاريخ والمكان .


بعد ما بتحجز الامتحان هيتبعت ليك ايميل فيه معاد وتاريخ الامتحان دا اللي هتدخل بيه الامتحان فلازم تحافظ عليه . نيجي بقى للمذاكرة وهي طبعا اهم شئ ، المذاكرة في المتوسط 3 اشهر كافيين جدا حل اسئلة في الاول بعد كده هتتطلع من الاسئلة دي بقايمة بالمواضيع المهمة دي بقى بتقراها من اكسفورد او بتدخل على موقع niceguidlines او patient.co.uk .


مهم جدا في حل الاسئه تعرف اخترت الاجابة ليه و ليه استبعدت الباقي ،
قبل امتحاني للبلاب هو كان في 6 اللي فات ، كان اكتر من 70 % من الامتحان بيجي من الاسئله القديمه لكن للاسف في امتحاني اخدت الصدمة ان اقل من 5% كان اسئله قديمه والباقي كله جديد ،
فمهم جدا المذاكرة من المصادر اللي قلتلكم عليهما مش من swamy or samson notes
لانهم مش متحدثين و مش في مستوى الامتحان .


مهم جدا تكون متابع التحديثات الاخيرة في الجايد لينز لان الامتحان بيركز عليهم ،
الامتحان معقول جدا بس محتاج مذاكرة بجدية في صفحه على الفيس بوك اسمها PLAB دي صفحه ممتازة بتوفرلك كل اللي انت محتاجه للمذاكرة و بيساعدوك في حل الاسئله اللي انت مش عارفها .


بنصح بيها بشدة و ممكن تطلع منها ب study partner تذاكر معاه او جروب تذاكروا سوا ، الحاجات دي بتفرق فعلا لانكوا بتشجعوا بعض و بتدوروا عالمعلومة سوا فدا بيوفر وقت و جهد .


النتبجة بتطلع بعد الامتحان بشهر
(هنا دا نهاية تجربتي لاني الحمدلله عديت من الجزء الاول بس لسه معملتش التاني ) ،
لذا لما تعدي من الامتحان بتقدم على plab 2 ودا بقى الجزء العملي واخر جزء في المعادلة .


دا بيحتاج تاخد فيه كورس لاااااازم هما ممتازين بيعرفوك تعدي من الامتحان ازاي
هتحتاج مش اقل من شهر علشان تكون جاهز للامتحان ( باﻻش تتسرع لان فشل 4 مرات فيه يعني مينفعش تعمل معادلة على حد علمي !!)


في مكانين بيقدموا الكورس هما swamy academy او samson acadrmy .
الامتحان ده مبيتعملش غير في انجلترا يعتي لما تحجزة هتروح تقدم على فيزا بيزنس اسمها بلاب
لما تعدي من الامتحان ده بقيت مؤهل للعمل في المملكة المتحده ، و تقدر تقدم على وظيفه طبيب هناك .


فرص الشغل مش سهله و مش صعبه هما محتاجين دكاترة وخصوصا اسكتلندا هي بس محتاجه صبر في التقديم وقناعه انك هتتعب في الاول علشان تاخد شغل وبعدين تكسب ثقة الدكاترة انهم يقدروا يعتمدو عليك
ان شاء الله لما اعمل الجزء التاني واقدم على شغل هكتبلكم عن تجربتي
ارجو اني اكون قدرت اجاوب على بعض تسائلتكم بخصوص المعادلة البريطانية .


تجربة هذا الطبيب مع امتحان البلاب plab 2 :




احب اشارككم تجربتي مع plab2 :

هو امتحان معقول بنسبة كبيرة جدا هو عبارة عن امتحان عملي مكون من 14 حاله بتمتحن عليهم بيكونوا ممثلين محترفين جدا بيمثلوا الحالات ، و فيه مانيكان كمان بتعمل عليه الحاجات اللي فيه شغل زي PR examination , autoscopy , fundoscopy , etc .

علشان تحضر كويس للامتحان كفايه جدا جدا شهرين قبل الامتحان لازم طبعا كورس للامتحان دا وحاليا مفي غير samson course لان swammy اتقفل خلاص من البوليس.

الكورس عبارة عن 10 ايام بيعرفك ازاس تاخد history و تعمل counselling , management , w diagnosis للحالة و كمان بيعرفك تعمل examinatin و manikin examination ، كمان بالنسبة للجزء بتاع ال history ف دا فيه كورس تاني لواحد اسمه حامد بيديه ودا راجل عبقري والكورس سعره معقول 145 استرليني بس مشكلته انه مبيديش الجزء العملي .

Samson course b 550£ نصيحتي ليكم ان اللي يحب يدخل الامتحان دا يكون سايب مسافة بين الكورس والامتحان 6 اسابيع و خلالهم يذاكر كل يوم و طبعا لازم يكون

فيه صديق مذاكرة علشان تتدرب معاه متذاكرش لوحدك لانك مش هتعرف تحكم على مستواك ،


الامتحان اغلبه تمثيليه اهم حاجه ثقتك في نفسك و ال time management لان لكل حاله 5 دقايق بس ، والاهم طبعا توفيق ربنا سهل جدا تنجح في الامتحان دا لو حضرتلوا كويس انا شخصيا كان بين الكورس بتاعي والامتحان 4 اسابيع بس كنت بروح الاكاديمي كل يوم بعد الكورس اذاكر مع زمايلي من 9 الصبح ل 10 بليل وكنت فعلا مضغوطة جدا.

علشان كدا بنصحكم ب 6 اسابيع بس مذاكرة بجد كل يوم لو عايزين تعدوا من اول مرة دي تجربتي في المعادلة البريطانية وانشاء الله لما اعمل registration هكتبلكم خطواته وبالتوفيق للجميع .



المصدر :


من هنا








ليست هناك تعليقات:

إرسال تعليق

إعلان في أسفل التدوينة

إتصل بنا

نموذج الاتصال

الاسم

بريد إلكتروني *

رسالة *